بعض المرشحين متكلفين دعاية بهذيك الحسبة ،من صور ولافتات ،والمرشح غير معروف بده يعرف عن نفسه بالصورة وجهة نظر ،ليش بالصورة ؟ وين البرنامج ؟ ما بهم اهم اشي الصورة ،احد الأجوبة أن الصورة تبقى في الذاكرة مخزنه بينما البرنامج هو كلام منقول من مرشح سابق أو حالي بنفس الأهداف والمواطن يحفظها من سنوات جيدا ولم تتحقق ، لهذا الصورة اهم من البرنامج الانتخابي تبقى مشكلة الفلتر وعيوبه التي كشفها المواطنين ، أما عن معاناة المرشحين ، الصورة الموجوده على الدوار المفروض حسب تفكير المرشح ان تبقى لنهاية اخر يوم مباركة بالنيابة لكن مشكلة المنافسين ،المنافسين بمزقوا الصورة ليضعوا صورة مرشح آخر ،وبنفس المكان وذات الارتفاع وبحجم الصورة الممزقة طبعا لأنها خرجت من نفس المطبعة وعند استديوا واحد ،لهذا السبب اجد الحل في أن كل ما ارتفعت الصورة باعلى العمود كلما عجز المرشيحن المنافسين الوصول إليها لكن أخاف أن يعتقد المرشح أن كل ما ارتفعت الصورة يأخذ اصوات أكثر وهذا تفكير خاطيء من اولها بنحكي ،طبعا الشغلة بدها تفكير وسلالم عالية وناس طويلة ومواد شديدة التلاصق ومراقبة كاميرات مع أخذ اعتبار لأحوال الجوية ، يا اخي المرشح شو جابرك تترشح اذا كل شوي بدك تزعل اذا شفت صورتك ممزوعة ؟ وتنزل منشور غاضب ، النتيجة واضحة ،الشغلة مش بالصورة ولا الاعلان وفهمكم كفاية .
سامية المراشدة تكتب: المرشح النيابي يعاني شو القصة ؟
موقع إخباري أردني شامل مستقل ينقل لكم الأخبار المحلية والعالمية اول بأول بصدق وشفافية ننقل لكم الخبر لتكتمل عندكم الصورة
